Khua knŭk kna lač, mtô bi hriăm gưl hđeh jing bruă yuôm bhăn hlăm klei mtô bi hriă, hlăm hdră mđĭ kyar mnuih mă bruă, mđĭ kyar anak mnuih Việt Nam. Mtô bi hriăm gưl hđeh jing gưl hriăm kơ hđeh điêt thŭn hĭn hlăm klei mđĭ kyar anak mnuih.

Mkŏ mjing, mđĭ kyar anak mnuih brei dưm tur knơ̆ng mơ̆ng dŭm thŭn tal êlâo. Anôk dlăng bruă Đảng gưl XIII ăt mâo leh Hdră mtrŭn kơ klei mlih mrâo, mđĭ hnơ̆ng jăk hdră êlan ala ƀuôn, ngă djŏ klei čiăng hlăm bruă mkŏ mjing leh anăn răng mgang čar kwar hlăm wưng mrâo. Hdră mtrŭn lŏ dơ̆ng bi mklă klei mĭn mơ̆ng Đảng kơ hdră êlan ala ƀuôn, hlăm anăn mâo hdră êlan kơ bruă mtô bi hriăm čiăng duh kơ klei mđĭ mkyar anak mnuih. Sa hlăm dŭm hdră kñăm truh thŭn 2030 dưi kčah hlăm Hdră mtrŭn jing “Bi leh bruă mtô bi hriăm gưl hđeh mơ̆ng 3 truh 5 thŭn…”