VOV4.Êđê - Aguah hruê 3/8, ti Anôk bruă knŭk kna, Khua knŭk kna Phạm Minh Chính gĭt gai Klei kƀĭn knŭk kna grăp gưl kơ hdră duh mkra ala ƀuôn mlan 7 lehanăn 7 mlan akŏ thŭn 2022, bruă pŏk Hdră mtrŭn mrô 01 mŏng Knŭk kna, Hdră krŭ wĭt – mđĭ kyar bruă duh mkra ala ƀuôn lehanăn hdră gang mkhư̆ klei ruă Covid 19.

Blŭ ti knăm anei, Khua knŭk kna mñă, mlan 7 lehanăn 7 mlan êgao hdră duh mkra h’ĭt kjăp, klei prăk luič ênoh dưi ksiêm dlăng, rơ̆ng klei đĭ kyar, bruă kđi čar h’ĭt kjăp, klei êđăp ênang yang ƀuôn, klei hnŭk êngiê, ngă phŭn mil pô, klei kluôm ênŭm krĭng lăn ăt dưi rơ̆ng kjăp, hdră hŏng tač êngao dưi mtrŭt mđĭ. Kơ bruă hlăm mlan 8 lehanăn dŭm mlan ti anăp, Khua knŭk kna mñă, ară anei klei mâo ăt dleh ksiêm dlăng; bi mklă klei dleh dlan, lông dlăng lu hĭn klei jăk găl, amâo dưi ngă ngơi; bi mklă bruă klam wưng kơ anăp ktrŏ snăk, kyua anăn brei mđing hlak mblang, tĭng dlăng klei mâo hlăm lehanăn êngao ala čar čiăng ba mdah dŭm hdră msir djŏ guôp./.

H’Nêč pô mblang