Khua knŭk kna Phạm Minh Chính mñă klă, leh êbeh 10 thŭn jih bruă kđi čar hrăm mbĭt ngă bruă, prăk brei čan đru ba ala ƀuôn jing leh sa “gru mngač” leh anăn jing “kmeh gơ̆ng” hlăm hdră bi hrŏ ƀun, rơ̆ng êđăp ênang ala ƀuôn, ngă djŏ klei čiăng mơ̆ng mnuih ƀuôn sang, boh nik phung ƀun ƀin leh anăn êdu awăt hlăm ala ƀuôn.

Hlăm wưng kơ anăp, Khua knŭk kna mtă kơ Knơ̆ng prăk đru ba ala ƀuôn brei lŏ dơ̆ng bi mklă prăk brei čan đru ba ala ƀuôn jing hdră msir yuôm bhăn kñăm hlue ngă dŭm hdră êlan, hdră kñăm, bruă klam mơ̆ng Đảng, Knŭk kna kơ klei mđĭ kyar bruă duh mkra hŏng bruă hlue ngă mtăp mđơr ala ƀuôn, hlue ngă hdră kñăm ala čar ăt msĕ mơh mđĭ kyar bruă duh mkra ala ƀuôn mơ̆ng lăn čar./.