Hlue si Phŭn bruă hŏng tač êngao, 6 mlan akŏ thŭn 2024, bruă hŏng tač êngao kơ klei duh mkra dưi pŏk ngă klă klơ̆ng leh anăn tŭ dưn, đru mguôp klă sĭt hlăm klei mđiư̆ kyar bruă duh mkra-ala ƀuôn. Hlăm 36 bruă hŏng tač êngao gưl dlông mơ̆ng akŏ thŭn truh ară anei, boh phŭn duh mkra lŏ dơ̆ng jing boh phŭn, ba klei tŭ đưn klă sĭt, siñê lu klei ƀuăn rơ̆ng, kuôl kă bi hgŭm hŏng ƀĭng hgŭm.

Khua knŭk kna brei thâo, ară anei Việt Nam bi mklă mđing mđĭ kyar, kyua anăn brei kƀĭn mkra mrâo boh kdrŭt mđĭ kyar mâo ba yua, bi liê leh anăn ba čhĭ kơ ala tač êngao; brei dŭm anôk bruă bi ala Việt Nam ti ala tač êngao brei kƀĭn hlăm boh kdrŭt ba čhĭ kơ ala tač êngao. Čiăng snăn brei mđĭ bruă ba čhĭ kơ ala tač êngao, mđĭ wăl hdĭp mda bi hgŭm, mđĭ bi hgŭm bruă duh mkra, mnia blei, bi liê, mjĕ êrô mnuih ƀuôn sang, mđĭ bruă hiu čhưn ênguê’ kƀĭn iêô mthưr bi liê, pŏk mlar đĭ kyar kơ boh kdrŭt đĭ kyar mrâo.