VOV4.Êđê- Aguah mbruê, ti Anôk bruă knŭk kna, Khua knŭk kna Phạm Minh Chính gĭt gai leh Klei bi kƀĭn thơ̆ng kơ bruă hdră bhiăn mlan 9 thŭn 2022. Blŭ ti knăm anei, Khua knŭk kna mñă, bruă duh mkra tar rŏng lăn dôk dleh dlan, klei prăk luič ênoh hlăk đĭ. Giăm anei, dŭm knơ̆ng prăk gưl dlông mơ̆ng Mi, EU, Angle, Japon mđĭ ênoh prăk mnga, mđĭ ênoh yuôm prăk, ngă bi hrŏ boh tŭ yuôm prăk kăk mơ̆ng dŭm ala čar, hmăi prŏng kơ lu ala čar, hlăm anăn mâo Việt Nam.

Brei knŭk kna ba mdah hdră msir mdrơ̆ng hŏng klei dleh anei. Ti anôk bi kƀĭn, Khua knŭk kna mtă kơ phung khua hlăm knŭk kna brei klei blŭ kơ bruă čih mkra hdră bhiăn, boh nik bruă čuăl mkă, anei jing bruă prŏng lehanăn dleh, kyua anăn Khua knŭk kna mtă brei mđing kơ wưng, ai tiê, klei mĭn brei klei blŭ hlăm bruă anei./.

                                                    Pô mblang: H’Nêč Êñuôl