VOV4.Êđê - Blŭ hlăm klei kƀĭn êlan online kluôm ala čar mklin 20 thŭn mđĭ kyar bruă duh mkra êpul leh anăn mklin 10 thŭn tui ngă klei bhiăn êpul bi mguôp thŭn 2012, Khua knŭk kna Phạm Minh Chính mtă brei kñăm tui ngă 8 êpul bruă klam, hdră êlan. Hluê anăn, lŏ dơ̆ng ksiêm duah mkŏ mjing dŭm hdră êlan djŏ guôp hŏng klei jing mrâo leh anăn boh sĭt ti Việt Nam. Lŏ dơ̆ng ruh mgaih dŭm klei dôk kpăk kơ hdră ngă bruă, hdră êlan hluê si klei mpŭ kơ bruă duh mkra mnia mblei.

Bi kơ hdră tă mlih klei bhiăn êpul bi mguôp, Khua knŭk kna Phạm Minh Chính ktrâo klă, lăm lui hĕ dŭm klei kpăk gun, mkŏ mjing wăl ngă bruă, hdră êlan jăk găl, mtrŭt mđĭ klei đĭ kyar ktang čiăng kơ alŭ wăl anei năng hŏng kơhưm, bruă klam hlăm bruă mkŏ mjing bruă duh mkra mnia mblei hluê êlan yang ƀuôn ngă phŭn. Bi kơ klei mĭn mơ̆ng Khua knŭk kna mtă brei mlih klei bhiăn êpul bi mguôp, čiăng mâo klei kluôm ênŭm klei mĭn mơ̆ng Đảng kơ bruă lŏ mlih mrâo, mđĭ kyar bruă duh mkra êpul, êpul bi mguôp ti ala čar drei hlăm hruê mmông kơ anăp.

Y-Ƀel pô mblang