Blŭ hlăm klei kƀĭn, Khua knŭk kna Phạm Minh Chính mñă klă, hlăm wưng klei dleh dlan, dŭm gưl bruă, dhar bruă, alŭ wăl mâo leh klei gĭr, hluê ngă ktang phĭt, hrăm mbĭt, mâo mta kñăm dŭm bruă klam, hdră êlan mâo leh. Hlăm anăn knăm kơ dŭm bruă klam mjêč wưng ară anei jing ruh mgaih klei dleh dlan kơ knơ̆ng bruă, mkŏ mjing hdră duh ƀơ̆ng, bruă mă kơ mnuih ƀuôn sang, mtrŭt mđĭ klei đĭ kyar, rơ̆ng kơ dŭm klei bi kna, bi hơĭt bruă dih mkra, răng mgang kjăp klei êđăp ênang.

Khua knŭk kna ăt mñă kơ phung bi ala hlăm klei kƀĭn kñăm bi trông kơ boh sĭt bruă duh mkra – ala ƀuôn mlan 6, wưng tlâo mlan tal 2 leh anăn 6 mlan akŏ thŭn. Hlăm anăn lač klă dŭm klei jăk, dŭm klei dleh kpăk čiăng mgaih msir, klei hriăm, hlăk mblang kơ boh sĭt, bi êdah dŭm hdră êlan, mta kñăm, klei kdlưn hĭn hlăm bruă hluê ngă dŭm bruă klam mlan 7 leh anăn 6 mlan knhal jiih thŭn 2023.