Khua knŭk kna lač klă, mơ̆ng 8 blư̆ mkŏ mjing, Klei pah mni anei mñă klă leh k’hưm hlăm anôk bruă brei klei pah mni bruă klei mrâo ala čar, mâo klei mđing dlăng, gĭt gai kjăp mơ̆ng dŭm gưl bruă Đảng, jak iêu lu mnuih nao hgŭm, klă sĭt jing hdră mâo lu mnuih dôk čang guôn êlâo kơ knăm bi hdơr Hruê mkŏ mjing Đảng grăp thŭn lehanăn anei jing klei bi mklă anăn knăl, k’hưm mơ̆ng hdră anei.

Čiăng ngă jăk hĭn bruă klam hlăm wưng ti anăp, Khua knŭk kna čang hmăng lehanăn đăo knang Klei pah mni anei srăng dưi mđĭ lar hĭn boh tŭ dưi mâo, lŏ dơ̆ng mlih mrâo čiăng kơ grăp hruê dưi đĭ lar hĭn lehanăn klei hmăi jăk mơ̆ng Klei pah mni anei srănh đru ƀư̆ mkra Đảng, mkŏ mkra anôk bruă kđi čar lehanăn êpul knuă druh kpă ênuah, đru mguôp tŭ dưn hlăm hdră mkŏ mkra lehanăn răng mgang ala čar Việt Nam yang ƀuôn ngă phŭn, kyua mta kñăm mnuih ƀuôn sang sah mdrŏng, ala čar đĭ kyar ngă phŭn mil pô, kreh dhar, mtăp mđơr./.