Khua knŭk kna Phạm Minh Chính gĭt gai Klei bi kƀĭn Anôk gĭt gai Ala čar kơ hdră bi kdơ̆ng hŏng klei trah mă kan hdang soh hdră bhiăn, amâo hưn mthâo lehanăn amâo hluê ngă djŏ klei kčah mtrŭn IUU. Hlue si klei hưn mơ̆ng Phŭn bruă Lŏ hma lehanăn Wăl hdĭp mda, hlăm wưng êgao, dŭm alŭ wăl ktuê hang ksĭ pŏk ngă leh mđrăm mbĭt lu hdră msir, mâo lu boh tŭ dưn, ênoh hô̆ mran amâo djăp klei găl ngă bruă hrŏ, 80% hô̆ mran kluôm ala mâo mkăp leh mrô hră kak asei ơ̆ng pô mran hlăm kdrăp kluôm.

Khua knŭk kna mtă kơ dŭm Phŭn, dhar bruă bi kdơ̆ng hŏng klei trah mă IUU, hưn mthâo bruă ngă hlăm grăp hruê kăm. Phŭn bruă Lŏ hma lehanăn Wăl hdĭp mda brei mkra bi leh kdrăp ksiêm dlăng, amâo lui hô̆ mran nao mă kan ka mâo klei bi mkŏ hŏng kdrăp ksiêm dlăng ktuê êlan VMS. Phŭn bruă lĭng kahan brei mđĭ hdră ksiêm dlăng, gang mkhư̆ hô̆ mran ngă soh ti krĭng ksĭ ala tač êngao, bi leh kdrăp ksiêm dlăng êlâo kơ hruê 30/10/2025.