VOV4.Êđê - Blŭ hlăm klei kƀĭn êpul khua gĭt gai kơ bruă gang mkhư̆ klei ruă tưp Covid-19, Khua knŭk kna Phạm Minh Chính mtă kơ dhar bruă bruă djŏ tuôm leh anăn dŭm alŭ wăl ksiêm dlăng boh sĭt klei ruă tưp hlăm ala čar leh anăn tar rŏng lăn, nao mbĭt hŏng klei mtă mơ̆ng dŭm êpul êya tar rŏng lăn, phung kreh knhâo čiăng hmao ƀuh, hưn êlâo, bi mdrơ̆ng hŏng dŭm klei ka mâo hưn êlâo, msĕ si kman bi kdơ̆ng hŏng vaccine amâodah lŏ mâo dŭm mta kman mlih mrâo mkăn, klei ruă tưp dleh dưi ksiêm dlăng hĭn.

Mđĭ hmar hĭn bruă tlŏ mgang vaccine, boh nik kơ phung khua asei, phung mâo klei ruă êlâo, phung hđeh, phung dôk mă bruă hlăm dŭm anôk bruă tuh tia, anôk mkra mjing, ƀuôn prŏng… Kñăm ksiêm dlăng boh sĭt, dŭm phung ruă kjham leh anăn djiê, lŏ dơ̆ng mđĭ hĭn klei thâo bruă mdrao mgŭn, bruă mdrao mgŭn nah gŭ, mđĭ klei thâo săng mnuih ƀuôn sang. Khua knŭk kna mtă srăng bi leh bruă tlŏ mgang vaccine kơ hđeh mơ̆ng 12 truh kơ 18 thŭn hlăm mlan 4 anei, bi kơ phung hđeh mơ̆ng 12 thŭn srăng bi leh hlăm wưng tlâo mlan tal 2 thŭn anei.

Y-Ƀel pô mblang