Aguah hruê 20/10, hlăm hdră Klei bi kƀĭn tal 10, Anôk bruă kƀĭn ala gưl XV, Khua knŭk kna Phạm Minh Chính hưn mthâo boh tŭ hluê ngă Hdră kčah mđĭ kyar bruă duh mkra – ala ƀuôn thŭn 2025, wưng thŭn 2021 – 2025 lehanăn tĭng kơ hdră kčah mă bruă thŭn 2026. Khua knŭk kna mñă, wưng păn bruă êgao jing ktuê êlan mơ̆ng klei mĭn mjing mrâo, jhŏng, kjăp, mĭn mrâo lehanăn klei čang hmăng kpưn đĭ kyua Ala čar, kyua Mnuih ƀuôn sang.

Việt Nam ksiêm dlăng leh kjăp klei ruă tưp COVID 19, hnưm pŏk ƀăng, krŭ wĭt hdră duh mkra, mâo êpul êya tar rŏng lăn čih yap. Hlăk klei dleh dlan mơ̆ng tar rŏng lăn, Việt Nam ăt krơ̆ng kjăp hnơ̆ng đĭ kyar, dôk mrô sa hlăm êpul tar rŏng lăn. Tĭng GDP thŭn 2025 đĭ êbeh 8%, kah knar wưng thŭn 2021 – 2025 mâo 6,3%. Hdră duh mkra đĭ mơ̆ng 346 êklai USD thŭn 2020 truh 510 êklai USD thŭn 2025, đĭ 5 mrô, dôk 32 tar rŏng lăn; GDP kah knar grăp čô mâo hlăm brô 5.000 USD, đĭ 1,4 blư̆ hlăm thŭn 2020./.