Ti knăm anei, dua khua kiă kriê bi mklă leh tur knơ̆ng giăm 75 thŭn Klei bi mjĕ hgŭm bruă jăk siam, brei dua ala čar mđĭ hĭn hdră bi hgŭm hlăm djăp mta ra bruă kñăm mtrŭt mđĭ hdră bi hgŭm dua ala čar truh ti hnơ̆ng mrâo. Kơ hdră bi hgŭm bruă duh mkra – mnia mblei – duh bi liê, dua Khua knŭk kna mñă anei jing tur knơ̆ng yuôm bhăn hlăm klei bi mjĕ dua nah, tŭ ư mtrŭt mđĭ klei bi hgŭm bruă duh mkra, mnia mblei, duh bi liê năng djŏ hŏng klei bi mjĕ hlăm hdră kđi čar, mđĭ lar klei bhiăn hgŭm bruă dôk mâo. Khua knŭk kna Phạm Minh Chính mñă, Việt Nam mâo bruă klam kdrông mkŏ čiăng kơ dŭm mta mnơ̆ng mơ̆ng Rumani dưi mjĕ hŏng wăl anôk mnia mblei ASEAN lehanăn Việt Nam. Dua tĭng ăt mtrŭt mđĭ hdră bi hgŭm ba wĭt boh tŭ dưn hlăm bruă mtô bi hriăm, kreh knhâo – kdrăp mrâo, bruă lĭng kahan – răng mgang klei êđăp ênang, dhar kreh, mjuăt ktang asei mlei, hiu čhưn ênguê, klei mă bruă knuă, mdrao mgŭn mbĭt anăn mtrŭt mđĭ hdră bi hgŭm hlăm bruă kdrăp mrâo, hdră mlih mrô, hdră duh mkra mtah, bruă duh mkra kluôm…

Leh knăm anei, dua Khua knŭk kna nao dlăng leh Knăm bi mklă 19 mta hră m’ar bi hgŭm plah wah dŭm Phŭn, dhar bruă, alŭ wăl dua ala čar hlăm hdră duh mkra, dhar kreh, mnuih mă bruă lehanăn mjuăt bi hriăm./.