Asăp mtrŭn lač klă tui si klei anôk bruă răng mgang klei êđăp ênang êlan klông hưn, klei truh hlăk 2h10’ hrue 31/10, ti km70+800 êlan dơ̆ng prŏng mrô 1A ti klŭt Rừng Cấm, kdriêk Hữu Lũng, čar Lạng Sơn mâo klei bi drăm 3 boh êdeh hlăm sa blư̆ mơ̆ng êdeh mdiăng tue 16 anôk đĭ hŏng êdeh sơmi rmok, hŏng êdeh container hrie mơ̆ng dih, ngă kơ 5 čô mnuih djiê tinăn mtam, lehanăn lu mnuih êka, jih 3 boh êdeh jhat rai kjham.

Leh mâo klei hưn, snăn khua knŭk kna mâo mtam klei gĭt gai čuă êmuh găp djuê mnuih djiê, lehanăn mđĭ ai mnuih êka. Jao bruă kơ k’iăng khua bruă răng mgang klei êđăp ênang êlan klông mbĭt hŏng kahan ksiêm bi mngač klei truh anei, čiăng hgŭm mbĭt hŏng knơ̆ng bruă sang čư̆ êa čar Lạng Sơn, lehanăn dŭm dhar bruă djŏ tuôm pral mkŏ mjing klei đru ba, bi juh, lehanăn mđĭ ai mnuih mâo klei truh./.