Klah čŭn ti anôk bi kƀĭn, bi ala kơ knŭk kna, khua knŭk kna bi mni kơ dŭm klei bruă Đảng, bruă sang čư̆ êa, lĭng kahan lehanăn mnuih ƀuôn sang ti ƀuôn prŏng Hồ Chí Minh mâo đru mguôp leh hŏng klei mđĭ kyar lăn čar.

Hlăm wưng kơ anăp, Khua knŭk kna mtă, lŏ dơ̆ng ngă kjăp hĭn asăp mtrŭn mơ̆ng klei bi kƀĭn prŏng Đảng 13, jih jang hdră mtrŭn mơ̆ng phŭn bruă kđi čar kơ klei mđĭ kyar krĭng Ngŏ kwar Dhŭng, ƀuôn prŏng Hồ Chí Minh; kơ hdră 5 thŭn, hdră êlan 10 thŭn lehanăn hdră mtrŭn mơ̆ng klei bi kƀĭn prŏng Đảng ƀuôn prŏng tal 11, khua knŭk kna mtă kơ dŭm phŭn dhar bruă đru bi mghaih msir djăp kmta klei dleh dlan ƀuôn prŏng dôk găn, bi hrŏ klei dleh dlan hlăm hră mơar, bi đru ngă bruă hŏng klei đua klam prŏng./.