Krĭng dap mnai krông Hồng – jing alŭ wăl yuôm bhăn kơ kđi čar, kơ bruă duh mkra, dhar kreh, yang ƀuôn, anôk hdĭp mda, lehanăn bruă răng mgang klei êđăp ênang, jing anôk djă pioh lu klei tŭ dưn kơ dhar kreh, hƀuê ênuk djuê ana, jing knơ̆ng kơ klei đĭ kyar kluôm ala.

Krĭng jing anôk phŭn, dưi yap jing mbah nah dưr mơ̆ng lăn čar lehanăn ASEAN kơ klei bi mguôp mđĭ kyar bruă duh mkra, mnia mblei hŏng China, jing sa anôk bi hgŭm prŏng. Ti anôk bi kƀĭn anei, Khua knŭk kna Phạm Minh Chính mtă leh kơ phung bi ala mâo klei trông čhai, dưn yua jih klei găl pô, hlăm klei bi ktưn, lehanăn ruh mgaih jih klei dleh dlan, čiăng kơ krĭng klă sĭt mâo klei đĭ kyar./.