Tlam mbrue 1/12, Khua knŭk kna Phạm Minh Chính kiă kriê leh klei bi kƀĭn bruă Đảng knŭk kna ksiêm wĭt bruă kdơ̆ng hŏng klei ƀơ̆ng ngăn, klei bi liê pliă plia, klei ngă amâo mâo djŏ wưng păn bruă klei bi kƀĭn prŏng 13. Dŭm klei bi trông ti anôk bi kƀĭn, kñăm kơ bruă bi leh hdră êlan mă bruă bi sa hnơ̆ng, mâo klei tŭ dưn, mâo lu kđi soh klei ƀơ̆ng ngăn hmao ƀuh, mghaih msir hŏng klei ktang.

Blŭ hrăm ti anôk bi kƀĭn, Khua knŭk kna čih pioh dŭm boh tŭ dưn kluôm dhuôm ƀiădah bi lač mâo dŭm phung khua kiă kriê, pô djă akŏ ka ngă ênŭm ôh bruă klam, bruă čŏng ksiêm dlăng, čŏng thâo ƀuh klei awăt hlăm pô; mđĭ mlih hdră mă bruă, mđĭ hnơ̆ng kjăp knuă druh mă bruă bi mâo klei bhiăn, kpă ênô, djăp klei thâo pioh mđĭ kyar./.