VOV4.Êđê- Tlam mbrue (23/9), Khua knŭk kna kiă kriê leh klei bi kƀĭn “Mđĭ kyar anôk bruă kreh knhâo hŏng klei kjăp, tŭ jing, ênuk mrâo lehanăn ñŭ kma”. Dưi mkŏ mjing hlue hdră online lehanăn tlă anăp hŏng 63 boh čar lehanăn ƀuôn prŏng. Klei bi kƀĭn anei lŏ ksiêm wĭt jih dŭm klei awăt kƀah, klei lông dlăng, mơ̆ng anăn lŏ tă hdră êlan hŏng klei kjăp, ngă bruă anei hŏng klei tŭ dưn.

Blŭ hrăm ti anôk bi kƀĭn, Khua knŭk kna mñă: Mđĭ kyar anôk bruă kreh knhâo mđing tal êlâo hĭn jing ksiêm duah klei kreh knhâo mjing atur knơ̆ng, phung kreh knhâo jing boh phŭn, phung duh mkra anôk kñăm, bi djŏ hŏng klei dôk čiăng ksiêm duah, mđing kơ bruă duh mkra mnia mblei, kơ mnuih ngă bruă, lehanăn klei kơ ngăn prăk bi djŏ hŏng tar rŏng lăn lehanăn hlăm ala čar Việt Nam, lehanăn tui si klei bhiăn tar rŏng lăn./.

Pô mblang: Y-Khem Niê