VOV4.Êđê - Tlam mbrue (14/7), ti anôk bruă knŭk kna, Khua knŭk kna Phạm Minh Chính kiă kriê leh klei bi kƀĭn kơ bruă mđĭ kyar bruă sang lăn hŏng klei klă mngač, lehanăn kjăp. Klei bi kƀĭn mâo mkŏ mjing online plah wah anôk bruă knŭk kna hŏng knơ̆ng bruă sang čư̆ êa 5 ƀuôn prŏng gưl dlông mâo Hà Nội, ƀuôn prŏng Hồ Chí Minh, Đà Nẵng, Hải Phòng, Cần Thơ.

Ti anôk bi kƀĭn, phung bi ala trông čhai kơ bruă tĭng knăl kơ klei bi mnia mblei sang lăn Việt Nam, mâo hdră êlan mă bruă bi djŏ, čiăng kơ jih jang bruă mâo ngă hŏng klei kjăp lehanăn êđăp ênang, bi kna hlăm klei mđĭ kyar kluôm, hlăm anăn mđing hĭn êdi kơ klei hdĭp mda ala ƀuôn, mpŭ kơ klei bhiăn bi mnia mblei, bi mâo klei knŭk kna kiă kriê kjăp, amâo mâo lŏ hlăm klei amâo mâo jăk ôh, amâo mâo ngă tui si čiăng ôh./.