VOV4.Êđê - Hrue mbrue (21/8), khua knŭk kna Phạm Minh Chính kiă kriê klei bi kƀĭn online kluôm ala kơ “Bruă mđĭ hĭn răng kriê klei suaih pral phung ƀuôn sang, čŏng ngă bruă hŏng klei djŏ, đru bi kơrŭ pral, mâo klei đĭ kyar kjăp”. Klei bi kƀĭn mâo mkŏ mjing ti anôk bruă Phŭn bruă mdrao mgŭn mkŏ hŏng knơ̆ng bruă sang čư̆ êa 63 boh čar, ƀuôn prŏng hlăm kluôm ala. Blŭ hrăm ti anôk bi kƀĭn, khua knŭk kna mtă kơ phung knuă druh, mnuih ngă bruă mdrao mgŭn hlăm kluôm ala lŏ mđĭ hĭn knhuah gru kdrăm k’ah, hlue ngă jăk hdră êlan mơ̆ng Đảng knŭk kna, boh nik hdră mtrŭn mrô 20; 21 kơ bruă răng mgang klei suaih pral phung ƀuôn sang, lehanăn bruă ênoh mnuih hlăm boh klei ară anei.

Khua knŭk kna mñă, bruă dlăng kriê, răng mgang klei suaih pral phung ƀuôn sang jing bruă phŭn mơ̆ng sang êa drao, lehanăn ăt jing bruă klam mơ̆ng phŭn bruă kđi čar. Dŭm phŭn dhar bruă brei mâo klei bi mguôp mbĭt hŏng phŭn bruă mdrao mgŭn, êlâo hĭn đru hlăm bruă blei mprăp, duh bi liê kơ klei mkă dlăng mdrao mgŭn klei ruă, hdră mdrao mgŭn mâo tĭng hŏng hră ênua bruă mdrao mgŭn, klei đru hŏng phung knuă druh, mnuih ngă bruă mdrao mgŭn./.

Y-Khem pô mblang