VOV4.Êđê- Aguah mbrue (19/4), ti anôk bruă knŭk kna, Khua knŭk kna Phạm Minh Chính kiă kriê kơ klei knŭk kna bi kƀĭn truăn kơ bruă hlue ngă hdră êlan, hdră bhiăn kơ bruă čuăl mkă, yap mơ̆ng leh Hdră bhiăn čuăl mkă mâo klei tŭ dưn. Ti anôk bi kƀĭn, Khua knhŭk kna Phạm Minh Chính brei thâo, ti anôk bi kƀĭn tal anei kñăm ksiêm wĭt bruă cuăl mkă, mă klei hriăm, duah boh phŭn, ya mta klei dôk gun kpăk, klei dleh dlan, bruă čuăn, hdră mđĭ hĭn hnơ̆ng kjăp bruă čuăl mkă hlăm wưng kơ anăp.

Khua knŭk kna Phạm Minh Chính mtă kơ phung bi ala nao ti anôk bi kƀĭn mđing trông čhai kơ dŭm bruă msĕ si: Klei dưi bi leh bruă čuăn thŭn 2022; bi klă kơ bruă cuăl mkă kluôm ala, klei bi mguôp hlăm bruă čuăl mkă, klei hrŏng ruah kơ hdră êlan čuăl mkă... Khua knŭk kna mñă, bruă čuăl mkă mâo dŭm mta klei dleh dlan, klei mrâo, ya mta klei tuôm mrâo hlăm klei čuăl mkă, snăn mâo lu klei blŭ mdê mdê. Mơ̆ng anăn brei mâo klei ksiêm duah êlam, mâo hdră djŏ guôp ti anăp mta lehanăn kơ mgi dih čiăng kơ bruă čuăl mkă mâo ngă hŏng klei tŭ dưn./.

Pô mblang: Y-Khem Niê