VOV4.Êđê - Aguah mbrue (6/9), ti anôk bruă knŭk kna Khua knŭk kna Phạm Minh Chính kiă kriê klei knŭk kna bi kƀĭn kơ tuôr mlan 8, lehanăn 8 mlan akŏ thŭn 2022, blŭ hrăm ti anôk bi kƀĭn, Khua knŭk kna mñă, klei bi kƀĭn anei mâo 4 mta bruă yuôm bhăn; Ksiêm wĭt boh klei hlăm mlan 8, lehanăn 8 mlan êgao, mơ̆ng anăn lŏ thâo tĭng knăl lehanăn mâo bruă čuăn mghaih msir bi djŏ.

Khua knŭk kna mtă bi mkă tĭng hŏng klei djŏ čiăng thâo kruak hdră klă hĭn, lehanăn dưi ngă. Khua knŭk kna mtă, phung bi ala bi êdah bruă klam, ktuh êyuh jih klei mĭn, klei thâo čiăng mâo klei blŭ hŏng klei djŏ, djŏ ti bruă, hlak mblang dŭm boh phŭn, boh nik ya mta bruă hlăk êdah êdi, mơ̆ng anăn mă klei hriăm čiăng kơ wưng kơ anăp ngă jăk hĭn. Kơ boh klei duh mkra ala ƀuôn mlan 8 lehanăn 8 mlan akŏ thŭn ăt hơĭt, lehanăn mâo klei bi mlih jăk hlăm djăp mta bruă. Klei duh mkra hlăk đĭ kyar pral, Klei mnia mblei, lehanăn lu bruă duh mkra hlăk hlê pral kơrŭ wĭt. Bruă duh mn kơ phung knŭk kna dlăng ba, kơ mnuih ƀun, mnuih ngă bruă mâo ngă leh hŏng klei jăk./.

Y-Khem pô mblang