Bi trông ti anôk bi kƀĭn, Phung khua kiă kriê dŭm phŭn dhar bruă mâo leh klei hlak mblang kơ boh klei hlăm lăn čar, lehanăn hlăm tar rŏng lăn, mă klei hriăm kơ jih jang bruă ruh mgaih klei dleh dlan, klei gun kpăk kơ phung duh mkra, kơ mnuih ƀuôn sang, mđĭ hĭn klei duh mkra mnia mblei, mjing bruă knuă mă, klei mnuih ƀuôn sang duh ƀơ̆ng.

Klah čŭn kơ klei bi kƀĭn Khua knŭk kna Phạm Minh Chính mñă, bi hlue ngă djŏ hŏng hdră mtrŭn mơ̆ng klei bi kƀĭn prŏng Đảng 13, klei gĭt gai mơ̆ng phŭn bruă kđi čar kiă kriê kơ hdră êlan duh mkra mnia mblei 2021 - 2030, dŭm hdră 5 thŭn hlăm wưng thŭn 2021 - 2025, dŭm hdră mtrŭn, asăp mtrŭn mơ̆ng knŭk kna, Khua knŭk kna bi djŏ hlăm hdră êlan mă bruă hlăm grăp êpul hgŭm dhar bruă. Mâo klei hâo hưn, boh nik hŏng dŭm hdră êlan ngă bruă bi đru čung ba mnuih ƀuôn sang, ngă djŏ hdră êlan ngă phŭn êngiê nah gŭ, dôk hlăm hdră bi mguôp jih jang djuê ana./.