Khua knŭk kna mtă kơ phŭn bruă rŭ mdơ̆ng, Knơ̆ng bruă tač êdeh phiơr Việt Nam lehanăn dŭm êpul êya djŏ tuôm jih jang klei mă bruă, lŏ tiŏ nao mnuih mă bruă, kdrăp mă bruă, mkŏ mjing klei mă bruă hlăm 3 gưl, 4 gưl sa hrue rơ̆ng čiăng bi leh mta kñăm kčah. Čih pioh  dŭm klei gĭr mơ̆ng phung ngă bruă êjai dôk găn hlăm klei dleh dlan kơ mnơ̆ng mă bruă.

Khua knŭk kna mñă anei jing bruă yuôm bhăn hŏng lăn čar, brei lŏ mđĭ hĭn hnơng kjăp lehanăn klei tŭ dưn bruă knuă. Khua knŭk kna ăt bi mni klei bi leh bruă mkra mjing anôk kiă kriê tač êdeh phiơr, êlan đĭ trŭn êdeh phiơr, lehanăn anôk êdeh phiơr dôk, lehanăn anôk mă bruă hŏng tuê đĭ êdeh phiơr. Mbĭt anăn ksiêm dlăng jih klei mkăp mnơ̆ng mnuă kơ bruă rŭ mkra, msĕ si êa săng êa pui, khua knŭk kna mtă kơ dŭm phŭn dhar bruă djŏ tuôm mâo dŭm hdră êlan lŏ dơ̆ng ngă bruă kdrêč tal 3 kơ tač êdeh phiơr prŏng Long Thành anei.