Tĭng dlăng klei bi mjĕ dua ala čar mâo tủ knơ̆ng jăk siam lehanăn mâo lu klei găl, Khua knŭk kna mtă brei mđĭ hĭn hdră bi trông dŭm gưl, boh nik gưl dlông, kñăm bi kjăp klei đăo knang hlăm bruă kđi čar lehanăn mtrŭt mđĭ hdră bi hgŭm hlăm bruă duh mkra, mnia mblei, duh bi liê, gĭr mđĭ ênoh prăk bi mnia mblei dua nah.

Mñă Estonia mâo klei găl êdah êdi hlăm kdrăp mrâo, klei thâo anak mnuih, bi mlih mrâo lehanăn mlih mrô, Khua knŭk kna Lê Minh Hưng mtă brei kah mbha klei thâo, đru bi mlih jao kdrăp mrâo, đru mđĭ hnơ̆ng mâo lehanăn ai bi ktưn bruă duh mkra Việt Nam. Khua phŭn bruă Margus Tsahkna mñă Estonia dlăng myuôm klei bi mjĕ hŏng Việt Nam, dlăng Việt Nam jing ƀĭng hgŭm yuôm bhăn ti krĭng Ngŏ Dhŭng Asi mbĭt anăn čiăng pŏk mlar klei bi hgŭm, boh nik hlăm klei mjuăt bi hriăm mnuih mă bruă mâo klei thâo hlăm kdrăp hâo hưn, bruă duh mkra mrô lehanăn klei thâo anak mnuih./.

a.