Blŭ hrăm ti knăm anei, Khua knŭk kna Lê Minh Hưng mtă, bruă klam mđĭ kyar lăn čar hlăm wưng mrâo klă klơ̆ng, klei đua klam ktrŏ mơh, boh nik jing bruă rơ̆ng kjăp mta kñăm đĭ kyar hơĭt kjăp 2 mrô, hlăm anăn, Phŭn, dhar bruă tuh tia mnia mblei brei đua klam phŭn, msir mghaih jih klei adôk kpăk đuôm lehanăn mtrŭt mđĭ hdră duh mkra mnia mblei čiăng dưi mâo mta kñăm kčah mtrŭn.

Khua knŭk kna mñă, Phŭn bruă Tuh tia mnia mblei brei mjêč bi mklă lehanăn hluê ngă Hdră kčah ngă bruă mơ̆ng Knŭk kna kơ klei Hluê ngă hdră mtrŭn Klei bi kƀĭn XIV mơ̆ng Đảng, Klah čŭn mrô 18 mơ̆ng Gưl dlông… čiăng pŏk ngă bruă djŏ hŏng hdră kriê dlăng mơ̆ng Phŭn bruă tuh tia mnia mblei (bruă pui kmlă, êa săng, êa pui, kreh knhâo kdrăp mrâp, ba čhĭ mnơ̆ng ala tač êngao, wăl anôk mnia mblei hlăm ala čar); jao dŭm hnơ̆ng čuăn, bi kčah wưng bi leh bruă kơ grăp Phŭn, dhar bruă, dŭm êpul grŭp bruă duh mkra knŭk kna, alŭ wăl./.