Ti aguah mbruê, Khua knŭk kna Phạm Minh Chính drông leh Khua phŭn bruă ai dưi mnuih mă bruă UAE leh anăn Khua Phŭn bruă duh mkra UAE Abdulla Bin Touq Al-Marri. Leh kơnăn, Khua knŭk kna nao hlăm pŏk klei kƀĭn trông gưl dlông bruă ngă kyua klei mlih yan adiê tar rŏng lăn.

Tlam mbruê, Khua knŭk kna hrăm mbĭt gĭt gai hdră “Iêo mkrum ngăn prăk hluê ngă klei ƀuăn mơ̆ng Việt Nam kơ klei mlih yan adiê” mbĭt hŏng khua kiă kriê knơ̆ng prăk Standard Chartered Bank. Boh nik, Khua knŭk kna mâo klei blŭ hrăm hlăm hdră “Iêo mkrum ngăn prăk hluê ngă klei ƀuăn mơ̆ng Việt Nam kơ klei mlih yan adiê”, mbĭt anăn nao hgŭm leh anăn blŭ hlăm knăm ba mdah Hdră êlan iêo jak ai dưi (RMP) hluê ngă JETP. Êngao kơnăn Khua knŭk kna mĭn ĭng srăng mâo đa đa bruă dua tĭng msĕ si bi tuôm hŏng Khua knŭk kna Angle, Khua kiă kriê EC leh anăn Khua mil čhil Hungary.