Aguah 10/11, ti Đà Nẵng, Anôk dlăng bruă Đảng kahan krĭng 5 mkŏ mjing Klei bi kƀĭn gưn mdah, mđup brei hdră mtrŭn kơ bruă knuă druh. Klei bi kƀĭn hưn mdah leh anăn mđup brei hdră mtrŭn mơ̆ng Khua knŭk kna kơ bruă lŏ ruah Thiếu tướng Cao Phi Hùng ngă K’iăng Khua Anôk bruă gĭt gai kahan krĭng 5. 

Hlăm anôk bi kƀĭn, mă klei dưi mơ̆ng Bruă Đảng kahan gưl dlông, Trung tướng Thái Đại Ngọc - Khua hlăm bruă Đảng gưl dlông, K’iăng khua dlăng bruă Đảng, Anôk bruă kahan krĭng 5 mđup brei hră bi mklă leh anăn hơêč hmưi kơ Thiếu tướng Cao Phi Hùng. Thiếu tướng Cao Phi Hùng thŭn anei 58 thŭn, ƀuôn sang ti să Hoài Thanh Tây, wăl krah Hoài Nhơn, čar Bình Định. Thŭn 2018, ñu mâo Khua knŭk kna ruah ngă K’iăng Khua Anôk bruă kahan krĭng 5 hlăk dôk ngă K’iăng Khua đru kčĕ bruă kahan krĭng 5, mbĭt anăn mđĭ grat Thiếu tướng.