Leh knăm tŭ drông, Khua knŭk kna Lý Cường ba anăp êpul bi ala gưl dlông China leh anăn Khua knŭk kna Phạm Minh Chính ba anăp Êpul bi ala gưl dlông Việt Nam ngă klei blŭ hrăm. Gưl nao čuă anei kñăm klă boh tŭ dưn gưl nao čuă China mơ̆ng Khua gĭt gai Đảng Nguyễn Phú Trọng ti knhal jih thŭn 2022.

Dua tĭng lŏ ksiêm wĭt dŭm boh tŭ dưn bi mguôp dưi mâo leh hlăm wưng êgao, ba mdah dŭm hdră tă, bruă klam kñăm bi kjăp leh anăn mđĭ kyar klei bi hgŭm leh anăn bi mguôp hlăm wưng kơ anăp, boh nik mâo dŭm hdră êlan pŏk mlar leh anăn mđĭ hĭn boh tŭ dưn bi mguôp hlăm dŭm mta bruă, mtrŭt mđĭ bruă ruh mgaih klei kpăk gun hlăm klei bi mguôp, bi trông hŏng ai tiê bi hgŭm, djŏ hŏng hdră bhiăn, bi mpŭ, thâo săng hdơ̆ng pô kyua klei êđăp ênang, bi mguôp leh anăn đĭ kyar.