Čiăng hluê ngă tŭ dưn bruă klam thŭn hriăm 2024 – 2025 hŏng hdră “Mă hđeh sang hră, phung hriăm gưl prŏng jing mta kñăm, Phung nai jing boh kdrŭt, Sang hdră jing anôk krŏng, gŏ sang jing anôk knang, yang ƀuôn jing tur knơ̆ng”, Khua knŭk kna mñă kơ Phŭn bruă sang hră mơar ksiêm dlăng, mkra mlih, bi mbŏ, bi kluôm hdră êlan hưn mdah hŏng dŭm gưl bruă mâo klei dưi čiăng mkŏ mjing tur knơ̆ng hdră bhiăn đru mđĭ hĭn hnơ̆ng tŭ jăk bruă mtô mjuăt bi hriăm, boh nik jing hnơ̆ng tŭ jăk phung nai ti dŭm bĭt sang hră mơar, wăt sang hră knŭk kna leh anăn êngao knŭk kna.

Mđĭ hĭn bruă hluê ngă tŭ dưn, ktang hĭn klei mlih mrô hlăm bruă kriê dlăng mơ̆ng knŭk kna kơ bruă mtô mjuăt bi hriăm ti alŭ wăl, gĭt gai, ktrâo lač, ksiêm dlăng mta phŭn kriê dlăng mơ̆ng knŭk kna hlăm bruă mtô mjuăt bi hriăm hlăm klei dưi, bruă klam, rơ̆ng djŏ hnơ̆ng čuăn leh anăn tŭ dưn.