Thŭn 2023, bruă êa pui êwa čuh dưi mâo lu klei tŭ dưn yuôm bhăn kơ klei mkra mjing mnia blei, dưi bi leh êgao hdră kčah jih jang hnơ̆ng kčah kơ mkra mjing mnia blei; prăk hrui wĭt mâo êbeh 942 êbâo êklai prăk, đĭ 11,6 êbâo êklai prăk lu hĭn thŭn 2022; lŏ dơ̆ng jing anôk bruă duh mkra mâo  klei đru mguôp lu kơ knơ̆ng prăk knŭk kna, bi mklă bruă klam jing Êpul grup duh mkra knŭk kna mrô sa maoa hnơ̆ng prŏng hĭn, hmăi hŏng bruă duh mkra lăn čar.

Khua knŭk kna Phạm Minh Chính mtă, thŭn 2024 dŭm bruă klam klă klơ̆ng jao kơ Êpul grup êa pui êwa čuh brei klă klơ̆ng hlăm hdră kčah mơ̆ng êpul grup leh anăn anôk bruă čiăng hlue ngă, ksiêm dlăng. Jih jang êpul grup hŏng phung khua gĭt gai krơ̆ng kjăp klei bi hgŭm, mđĭ ai tiê jhŏng mĭn jhŏng ngă hŏng klei čang hmăng mkŏ mjing leh anăn mđĭ kyar Êpul grup êa pui êwa čuh Việt Nam jing anôk bruă phŭn kơ êa pui êwa čuh, mâo klei găl kơ ngăn prăk leh anăn kreh knhâo kdrăp mrâo, đru mkŏ mjing lăn čar mdrŏng sah, kjăp ktang, mnuih ƀuôn sang jăk mơak, trei mđao./.