Ti knăm anăn, Êpul mkŏ mjing mâo mđup brei leh 4 klei pah mni ênoh A; 10 klei pah mni ênoh B; 12 klei pah mni ênoh C; 18 klei pah mni bi mđĭ ai kơ phung čih, êpul phung čih mâo klei kdlưn hĭn kơ klei čih bi lông bi kdơ̆ng hŏng klei ƀơ̆ng ngăn, klei bi liê plă pliă, klei amâo mâo jăk.

Nao ti anôk mđup brei klei pah mni Khua knŭk kna  Phạm Minh Chính đăo knang kơ klei bi lông bruă bi kdơ̆ng hŏng klei ƀơ̆ng ngăn, klei bi liê plă plia, klei amâo mâo jăk, srăng mlih mrâo amâo mâo mdei, mjing ai ktang kơ klei lar bra, lŏ dơ̆ng jing boh kdrŭt kơ phung ngă bruă klei mrâo duh myơr lu hĭn kơ bruă bi kdơ̆ng hŏng klei ƀơ̆ng ngăn, klei bi liê plă plia, klei amâo mâo jăk, đru mkŏ mjing anôk bruă klei mrâo truăn kjăp kơ bruă cách mạng hlăm klei mrâo, mâo klei thâo khăp, rŭ mdơ̆ng lăn čar ktang kjăp, kreh dhar jăk yâo hlăm ênuk gưl mrâo./.