Mlam mmăt mbrue 23/11, Khua knŭk kna Phạm Minh Chính lehanăn mô̆ ñu mbĭt hŏng êpul khua prŏng Việt Nam kbiă leh mơ̆ng ala čar Dhŭng Afrĭk, bi ruĕ klei bi kƀĭn gưl dlông G20 thŭn 2025 lehanăn lu bruă dua nah. Hŏng klei jign ala čar mâo klei jak iêo, mơ̆ng khua kiă kriê G20, Khua knŭk kna nao hlăm djăp bruă hlăm klei bi kƀĭn  G20 mbĭt hŏng phung khua kiă kriê dŭm ala čar hgŭm, dŭm ala čar mâo klei jak iêo, lehanăn dŭm êpul bruă dlông rŏng lăn.

Hlăm dua klei bi kƀĭn kơ bruă mđĭ kyar kjăp, hlăm jih hdră êlan đru mguôp mơ̆ng G20 kơ sa rŏng lăn kjăp, khua knŭk kna čang hmăng kơ G20 mâo klei hgŭm lu hĭn, djŏ tui si klei bhiăn tar rŏng lăn, mghaih msir dŭm klei amâo mâo thâo bi djŏ, krơ̆ng kjăp klei bi mnia mblei lu tĭng hŏng WTO jing boh phŭn, rơ̆ng kơ jih jang bruă ngăn prăk hlăm klei klă mngač, mtăp mđơr, lehanăn nao hlăm klei bi mlih mrô, bi mlih hdră êlan mă bruă doh. ƀri wưng anei, Việt Nam lehanăn Dhŭng Afrĭk lŏ mđĭ hĭn klei bi hgŭm duh mkra mnia mblei, klei duh bi liê ăanp truh kơ bruă mđĭ ênoh bi mnia mblei dua nah truh 4-5 êklai USD hlăm 2-3 thyŭn tinăp./.