Klei hưn hlăm mmông mă bruă brei ƀuh, 4 mlan akŏ thŭn 2023, kluôm hnư knŭk kna hrui wĭt ti alŭ wăl jing giăm 178 êbâo êklai prăk, mâo êbeh 50 klei tĭng mkă, đĭ 21,6% mkă hŏng wưng anei thŭn dih. Hà Nội dôk tal 2 hlăm kluôm ala kơ klei iêo mthưr FDI hŏng êbeh 7.000 hdră mâo ngă bruă leh anăn ênoh prăk duh bi liê 61,7 êklai dolar.

Blŭ hlăm mmông mă bruă, Khua knŭk kna Phạm Minh Chính mtă hlăm wưng kơ anăp ƀuôn prŏng lŏ dơ̆ng hyuă kjăp, bi klă hdră mtrŭn klei kƀĭn kluôm tal 13 mơ̆ng Đảng, hluê ngă dŭm hdră mtrŭn, klei bi klă mơ̆ng phŭn bruă kđi čar kơ bruă mđĭ kyar krĭng dap mnai krông Hồng, ƀuôn prŏng Hà Nội. Bi lar ktang ai tiê čŏng pô, knhuah gru klei bi mguôp, mbruă, mjing klei amâo mâo dưi jing klei dưi, dưn yua jih hnơ̆ng klei găl mdê hjăn, klei găl êdah êdi, gĭr ktưn kpưn đĭ hŏng ai pô.