Anei jing gưl tal 4 Khua knŭk kna nao ksiêm dlăng, mtrŭt mjhar bruă rŭ mjing tač êdeh phiơr prŏng Long Thành hlăm êbeh 2 thŭn êgao, brei ƀuh klei uêñ mĭn mơ̆ng Đảng, knŭk kna hŏng hdră bruă naei. Hlăm mmông mă bruă ti anôk rŭ mjing, Khua knŭk kna lač klă, anei jing hdră bruă kruăk knăl mơ̆ng wưng păn bruă klei kƀĭn kluôm tal 13 mơ̆ng Đảng. Kyuanăn, Khua knŭk kna mñă brei bi hmar klei ngă bruă mkă hŏng êlâo anăn, hŏng mta kñăm truh hruê 31/12/2025 srăng dưi bi leh čiăng tŭ drông klei kƀĭn kluôl tal 14 mơ̆ng Đảng, bi hdơr 80 thŭn hruê mkŏ mjing lăn čar, 50 thŭn sua wĭt klei êngiê kwar Dhŭng, hluh hlir lăn čar.

Khua knŭk kna mñă kơ Phŭn bruă êlan klông leh anăn dŭ mdiăng hưn mdah mtam hŏng gưl bruă mâo klei dưi duh bi liê êlan êdeh phiơr đĭ trŭn tal 2, k’iăng Khua knŭk kna Lê Thành Long gĭt gai bruă hưn mdah, bi mbŏ dŭm mta phŭn anei hlăm klei kƀĭn tal 8, Bruă Kƀĭn Ala gưl 15.