VOV4.Êđê- Khua knŭk kna Phạm Minh Chính mrâo bi klă leh asăp mtrŭn kơ bruă bi pral tlŏ vaccine lehanăn mđĭ hĭn djăp bruă gang mkhư̆ klei ruă tưp Covid 19. Hlăm asăp mtrŭn lač klă: Hŏng klei ruă tưp Covid 19 hlăk đĭ lêč ktang ti Hà Nội, lehanăn dŭm alŭ wăl, boh nik dôk hyưt kơ mta kman mlih mrâo Omicron bluh đĭ, čiăng lŏ dơ̆ng ngă jăk hĭn djăp bruă răng mgang, boh nik hlăm wưng Tết Nhâm Dần, Khua knŭk kna mtă kơ phung khua kiă kriê bruă răng mgang klei ruă tưp, khua knơ̆ng bruă sang čư̆ êa dŭm čar, ƀuôn prŏng hlăm gưl dlông mđing kiă kriê kjăp djăp bruă mdrơ̆ng hŏng klei ruă tưp, djŏ hŏng klei knŭk kna, lehanăn khua knŭk kna gĭt gai, boh nik hlue nga 5 mta klei mtă, lehanăn mđĭ klei thâo săng hlăm phung ƀuôn sang, thâo bi răng kriê klei suaih pral pô, kơ găp djuê pô, kơ jih yang ƀuôn lehanăn mâo hdră mdrơ̆ng hŏng mta kman Omicron, brei mâo klei răng bi kjwap, mđĭ hĭn bruă mdrao mgŭn hlăm sang hlue si klei ktrâo atăt nik, kjăp mơ̆ng phŭn bruă mdrao mgŭn mơ̆ng mnuih mâo klei ruă Covid 19 hdjul lehanăn amâo mâo klei bi knăl nik ôh./.

 Pô mblang: Y-Ƀel Êban