Tui si klei hâo mdah mơ̆ng phŭn bruă hâo hưn kơư bruă bi mlih mrô hlăm kluôm ala, hlăm jih jang bruă hŏng klei jăk kñăm mđĭ kyar bruă duh mkra lăn čar. klei duh mkra mrô, yang ƀuôn mrô lŏ dơ̆ng mđĭ kyar pral, boh nik phung duh mkra ngă bruă hŏng tač êngao hlăm klei bi mnia mblei.

Blŭ hrăm ti anôk bi kƀĭn khua knŭk kna Phạm Minh Chính čih pioh, bi mni lehanăn bi myuôm dŭm bruă djăp phŭn knơ̆ng dhar bruă mâo ngă leh hlăm klei bi mlih mrô. khua knŭk kna mtă brei lŏ ngă hŏng klei pral lehanăn kjăp hĭn. čiăng kơ jih jang bruă mâo ngă msĕ, bi leh ênŭm klei bhiăn, hdră êlan mă bruă, mtrŭt mđĭ klei bi mlih mrô, bi djŏ hŏng ala tač êngao, nao mđrăm hlăm klei bi mlih mrô bruă duh mkra, bruă yang ƀuôn, lehanăn bruă ênoh mnuih hŏng mrô sơăi./.