Bi mni lehanăn ksiêm wĭt dŭm klei gĭr jih hnơ̆ng, mbĭt hŏng dŭm klei đru mguôp prŏng prĭn mơ̆ng bruă ngăn prăk hlăm klei mđĭ kyar duh mkra ala ƀuôn thŭn 2025, Khua knŭk kna klah čŭn jing snei “Kăp kčĕ klă mngač - Êpul mă bruă khuăt – rui lehanăn bi liê mâo êbeh - phung duh mkra mlih mrâo - hŏng hnơ̆ng hơĭt – mnuih ƀuôn sang jăk mơak –lăn čar đĭ kyar”.

Thŭn 2026, Khua knŭk kna jao kơ dhar bruă ngăn prăk mâo hdră êlan mă bruă: “Khăp kơ klei ktang - klei bhiăn nao êlâo - kiă kriê tŭ jing - hrui lehanăn bi liê tŭ jing - ngăn prăk kjăp”. Khua knŭk kna čang hmăng kơ bruă ngăn prăk ba anăp hlăm klei mlih mrâo, kăp kčĕ đru kơ bruă ngăn prăk ala čar, mâo hdră êlan đru kơ 2,3 êklăk gŏ sang duh mkra mnia mblei đuĕ nao hlăm hdră ênưih hĭn  yap anei jing knơ̆ng kơ klei kpưn đĭ tui si hdră mtrŭn mrô 68. Khua knŭk kna đăo knang, bruă ngăn prăk srăng lŏ dơ̆ng mđĭ hĭn bruă klam jing kmeh gơ̆ng, bi leh bruă čuăn thŭn 2026, lŏ bi krŭ djăp mta ai dưi kơ bruă ngăn prăk čiăng dưi bi sĭt kơ jih jang bruă čiăng ngă, đru kơ lăn čar čhuang nao hlăm sa gưl ênuk mrâo./.