VOV4.Êđê -  Hrue mbrue (3/6), Khua knŭk kna mâo leh hră mtrŭn kơ bruă hlue ngă mta mtrŭn bruă bi kdơ̆ng hnbg klei jhat mơ̆ng kpiê. Hră mtrŭn mơ̆ng khua knŭk kna lač klă, mơ̆ng akŏ thŭn truh kơ ară anei, mâo lu klei truh hlăm êlan klô0ng, hlăm anăn mâo lu phung knuă druh mnuih ngă bruă knŭk kna, mnuih ngă bruă mnăm kpiê êsei lŏ mgăt êdeh ba klei truh hlăm êlan klông, msĕ si klei truh mlam hrue 2/6/2022 ti čar Bắc Giang ngă 3 čô mnuih djiê. Kñăm gang mkhư̆ klei truh tơl hlăm êlan klông kbiă hriê mơ̆ng phung mgăt êdeh mnăm leh kpiê êsei, Khua knŭk kna mtă, jih jang dŭm anôk bruă mơ̆ng phŭn dhar bruă hlăm knŭk kna, dhar bruă mặt trận, jih jang êpul êya bruă kđi čar, knơ̆ng bruă sang čư̆ êa dŭm čar, ƀuôn prŏng mâo hdră êlan gĭt gai gang mkhư̆, hlue ngă ktang bruă bi kdơ̆ng hŏng klei mnăm kpiê êsei. Mtă kơ jih jang mnuih ngă bruă amâo mâo dưi mnăm kpiê êsei ôh, ngă klei thâo bi hmô, tơdah mnăm leh kpiê êsei amâo dưi lŏ mgăt êdeh ôh, lehanăn mâo hdră đŭ bi kmhal ktang hŏng hlei pô nga soh./.

Y-Khem pô mblang