VOV4.Êđê- Aguah 4/8, ti Hà Nội, Knơ̆ng prăk knŭk kna Việt Nam mkŏ mjing Klei bi kƀĭn mlih mrô bruă Knơ̆ng prăk. Khua knŭk kna Phạm Minh Chính nao leh anăn blŭ hrăm gĭt gai hlăm klei bi kƀĭn. Khua knŭk kna Phạm Minh Chính brei thâo, bi mlih mrô jing klei găl brei mâo hŏng drei. Đảng, Knŭk kna dlăng myuôm leh anăn dlăng anei jing sa hlăm dŭm bruă klam phŭn mrô sa.

Khua Knŭk kna bi mklă Hdră bi mlih mrô ala čar truh thŭn 2025, tă hdră truh thŭn 2030. Hŏng ai tiê mlih mrô hŏng hdră kluôm ênŭm, hŏng klei hgŭm mơ̆ng mnuih ƀuôn sang, anôk bruă duh mkra leh anăn knŭk kna ƀiădah brei mâo boh phŭn, mta phŭn; ƀiădah bruă Knơ̆ng prăk bi kƀĭn jih klei mâo čiăng ba anăp hlăm hdră anăn. Khua Knŭk kna mtă brei mđĭ ktang bruă hâo hưn mtô mblang kơ klei tŭ mlih mrô hlăm bruă knơ̆ng prăl truh kơ mnuih ƀuôn sang, anôk bruă duh mkra, đru kơ mnuih ƀuôn sang, anôk bruă duh mkra thâo săng kơ klei tŭ dưn.

Pô mblang: H’Zawut Ƀuôn Yă