Khua knŭk kna čih yap, bi mni leh anăn hơêč hmưi kơ boh tŭ yuôm bhăn mơ̆ng bruă Đảng, bruă sang čư̆ êa, lĭng kahan leh anăn mnuih ƀuôn sang čar Hưng Yên dưi mâo hlăm wưng êgao. Khua knŭk kna lač kơ bruă klam mơ̆ng hdră kčah hlăm hdră tă ba yua boh tŭ wăl mkra  mjing, mbĭt anăn ăt ba mdah klei akâo, klei mĭn, bruă klam phŭn mơ̆ng hdră čuăl mkă.

Hŏng hdră kñăm Hdră kčah jing truh thŭn 2030, jing čar bruă tuh tia mkra mjing mrâo mrang, mâo hnơ̆ng bruă duh mkra leh anăn klei thâo mđĭ kyar hlăm êpul ba anăp kluôm ala; truh thŭn 2050 jing ƀuôn prŏng hlăm Gưl dlông, ƀuôn prŏng thâo mĭn, mdrŏng sah, dhar kreh. Khua knŭk kna mta, brei Hưng Yên lŏ gĭr pŏk ngă, klă klơ̆ng Hdră kčah. Hlue ngă jăk hdră tă mđĭ kyar dŭm dhar bruă; kƀĭn mđĭ kyar bruă tuh tia mkra mjing, kdrăp mrô, pui kmlă, êa pui êwa čuh, mkra mjing mnơ̆ng ƀơ̆ng, kdrăp mdrao mgŭn.  Kơ bruă lŏ hma, mđĭ kyar hlue si hdră jăk kơ wăl hdĭp mda, kdrăp mrâo, hơĭt kjăp, mâo hnơ̆ng jăk.