Khua knŭk kna mñă kơ bruă Đảng čar Thanh Hóa čiăng thâo klă boh sĭt, nao klă hŏng dŭm hdră êlan, klei mĭn, klei gĭt gai mơ̆ng Đảng, srăng mâo klei jhŏng, amâo mâo dlăng hơăi mang ti anăp dŭm klei găl, ƀiădah ăt kăn êdu ai ti anăp dŭm klei dleh dlan. Jiă kma klei mĭn Mnuih ƀuôn sang jing phŭn hlăm djăp mta bruă, srăng thâo mđing hmư̆ mnuih ƀuôn sang, srăng kyua mnuih ƀuôn sang, rơ̆ng kơ djăp hdră êlan mđing kơ mnuih ƀuôn sang.

Hlăm klei mđĭ kyar bruă duh mkra, čiăng kñăm kơ 4 anôk kdlưn hĭn mâo Nghi Sơn, Sầm Sơn, Bỉm Sơn leh anăn Lam Sơn, mkŏ mjing hdră êlan mjing dŭm anôk bruă anei jing anôk bruă duh mkra phŭn mơ̆ng čar. Khua knŭk kna mñă ktang bruă klam hlăm wưng tal 2 Anôk bruă kar êa pui Nghi Sơn, mđĭ kyar kdrŭn ksĭ Ngi Sơn jing kdrŭn ksĭ ala čar, anôk bruă logistics alŭ wăl leh anăn sa hlăm dŭm kdrŭn ksĭ prŏng ti nah Dưr, mkŏ mjing tur knơ̆ng čiăng kơ Thanh Hoá đĭ kyar hlăm wưng kơ anăp.