VOV4.Êđê - Aguah 28/4, Khua knŭk kna Phạm Minh Chính nao hlăm klei bi kƀĭn mtrŭt mhhar duh bi liê čar Sóc Trăng thŭn 2022 hŏng akŏ “Hrăm mbĭt - bi hgŭm - mđĭ kyar”. Hlăm klei bi kƀĭn khua gĭt gai dŭm Phŭn, dhar bruă blŭ hrăm bi klă hĭn kơ klei găl, klei mâo mđĭ kyar mơ̆ng čar Sóc Trăng leh anăn krĭng Dap Mnai krông Cưủ Long.

Blŭ hrăm hlăm klei bi kƀĭn, Khua knŭk kna Pham Minh Chính lač kơ 13 mta bruă čiăng mkŏ mjing leh anăn mđĭ kyar wăl duh bi liê mđing kơ hdră kñăm 12 boh hră “Hưn mdah, klă mngač, mtăp mđơr, êđăp ênang, tŭ dưn, hơĭt kjăp”. Hlăm klei bi kƀĭn, čar Sóc Trăng mđup brei leh hdră mtrŭn duh bi lie, hră bi mklă čih anăn duh bi liê kơ 4 hdră bruă hŏng ênoh čih anăn mâo êbeh 12 êbâo êklai prăk leh anăn bi si ñê klei bi hdơr ksiêm dlăng duh bi liê hŏng dŭm anôk bruă duh bi liê êbeh 200 êbâo êklai prăk.

H’Zawut pô mblang