Hdră kdrêč găn Cần Thơ - Hậu Giang leh anăn Hậu Giang - Cà Mau dôk hlăm hdră rŭ mjing êlan dơ̆ng pral Dưr – Dhŭng nah Ngŏ wưng thŭn 2021 – 2025, hŏng ênoh prăk duh bi liê jing êbeh 10.370 êklai prăk. Ti anôk ngă bruă, Khua knŭk kna Phạm Minh Chính mđup brei hnư mnơ̆ng mđĭ ai kơ dŭm anôk ngă bruă, mnuih ƀuôn sang hrăm mbĭt ngă hdră bi ktưn hlăm anôk mă bruă.

Mbĭt anăn, Khua knŭk kna mnă kơ anôk bruă dưi yua hdră mnêč mrâo mrang hĭn čiăng mtrŭt bi hmar klei ngă bruă, ƀiădah srăng rơ̆ng kơ hnơ̆ng tŭ jăk, êđăp ênang, siam, mbĭt anăn gang mkhư̆ klei ƀơ̆ng ngăn, klei amâo mâo jăk, luč liê mang. Hŏng mnuih ƀuôn sang hlăm krĭng hdră, Khua knŭk kna mñă kơ gưl bruă nah gŭ, bruă sang čư êa alŭ wăl srăng uêñ mĭn, rơ̆ng kơ grăp čô mnuih ƀuôn sang mâo klei hdĭp jăk hĭn anôk dôk êlâo, rơ̆ng kơ hdră duh ƀơ̆ng kơ mnuih ƀuôn sang, mơ̆ng anăn mkŏ  mjing boh tŭ dưn mơ̆ng êlan dơ̆ng pral.