VOV4.Êđê- Hlue si asăp mtă mơ̆ng Khua knŭk kna Japon Kishida Fumio, Khua knŭk kna Phạm Minh Chính nao lehanăn blŭ hrăm leh ti anôk bi kƀĭn online hlăm klei bi kƀĭn gưl dlông tal 4, alŭ wăl Asi – Pacific, wĭt leh kơ lăn čar. Blŭ hrăm ti anôk bi kƀĭn khua knŭk kna mñă kơ klei hmăi amâo mâo jăk mơ̆ng klei ruă tưp Covid 19 djŏ tuôm hŏng tar rŏng lăn, klei yan adiê ngă, klei bi mlih yan adiê, klei dưnb yua êgao hnơ̆ng mnơ̆ng dhơ̆ng čŏng mâo, hlăm anăn mâo êa jua, lehanăn jih jang klei anăn hlăk hlê djŏ tuôm prŏng hŏng klei hdĭp ară anei lehanăn kơ êdei anăp, snăn jing năng kơ tar rŏng lăn bi mâo hdră mghaih msir bi kjăp. Khua knŭk kna mñă hlăm wưng leh êgao, Việt Nam jih ai tiê bi hgŭm lehanăn mâo leh klei đru hŏng jih jang djăp gưl hŏng ala tač êngao, boh nik hŏng dŭm ala čar mâo akŏ êa mbĭt msĕ si Việt Nam; Lao; Campuchia; China lehanăn dŭm ala čar mkăn čiăng bi mâo hdră êlan kiă kriê, răng mgang lehanăn ba yua hŏng klei kjăp, hrăm mbĭt bi mâo klei tŭ dưn klei kơ êa jua hlăm djăp hnoh krông./.

Pô mblang: Y-Khem Niê