VOV4.Êđê - Aguah mbrue (21/2), ti Hà Nội, Khua knŭk kna Phạm Minh Chính nao lehanăn mâo klei blŭ hrăm yuôm bhăn ti anôk bi kƀĭn hŏng phung duh mkra Việt Nam hlăm grăp thŭn hŏng akŏ “Kơrŭ wĭt lehanăn mđĭ kyar jih jang bruă mkăp mnơ̆ng dhơ̆ng tui si klei yăng đar mrâo”.

Blŭ hrăm ti anôk bi kƀĭn, khua knŭk kna mñă, thŭn 2022 jing thŭn yuôm bhăn êdi hŏng Việt Nam, mjing atur kơ klei hluê ngă djăp hdră kñăm, tă êlan mă bruă truh kơ thŭn 2030. Việt Nam hlăk mâo klei găl mđĭ kyar mjing ai ktang kơ klei bi klin jih klei dưi, kơ k’hưm, klei mđĭ kyar leh 35 thŭn mlih mrâo. Anei ăt jing wưng lông dlăng ai tiê, klei thâo bruă, lehanăn klei bi mguôp bruă plah wah knŭk kna hŏng phung duh mkra, čiăng hrăm mbĭt dưi găn jih klei lông dlăng. Êlâo hĭn ngă bi tŭ jing hdră kơrŭ wĭt bruă duh mkra lehanăn mđĭ kyar, mđrĭng hŏng bruă gang mkhư̆ klei ruă tưp covid 19, hyuă kjăp bruă tŏ vaccine./.

Y-Khem pô mblang