Lŏ bi klă klei mĭn mơ̆ng ASEAN kơ jih jang bruă alŭ wăl, lehanăn tar rŏng lăn dôk mđing, khua knŭk kna mñă bruă ăng mgang kjăp klei êđăp ênang, bi hơĭt ênang êlan êa ksĭ lehanăn êlan êdeh phiơr hlăm wăl êa ksĭ Ngŏ, jing bruă klam lehanăn klei tŭ dưn kơ djăp ala čar.

Khua knuk kna čang hmăng kơ ASEAN, khădah dôk găn klei dleh dlan ƀiădah brei thâo bi đru kơ Myanmar ngă bi sĭt  klei bi tŭ ư kơ 5 mta kyua mnuih ƀuôn sang Myanmar, kyua klei bi mguôp, k’hưm lehanăn klei jing mơ̆ng êpul hgŭm ASEAN, lehanăn kyua klei čang hmăng kơ yang ƀuôn mbĭt, sa ai hŏng ala čar Indonesia jing pô kiăkriê lehanăn bi êdah bruă klam ba anăp, čung atăt ASEAN hlue ngă jih mta kñăm anăn. ASEAN bi dôk krah wah kơ jih boh klei dôk bi blah plah wah Russia -Ucraina, đru bi hrŏ klei amâo mâo thâo bi djŏ, duah hdră êlan êđăpênang, lehanăn mđĭkyar./.