Anôk bruă ksiêm duah kơ hdră êlan Australia – Việt Nam mâo mkŏ mjing kñăm ksiêm duah lehanăn thâo săng hĭn kơ klei bi mguôp plah wah Australia lehanăn Việt Nam; đru ngă tŭ jing hĭn “hdră êlan klei duh mkra Ngŏ Dhŭng Asi truh thŭn 2040" mơ̆ng Australia.

Khua knŭk kna Phạm Minh Chính bi myuôm bruă mkŏ mjing anôk bruă ksiêm duah kơ hdră êlan Australia – Việt Nam; čang hmăng mơ̆ng anôk bruă anei kăp dru kčĕ kơ dŭm hdră êlan dua ala čar, mâo klei tŭ dưn hĭn hlăm bruă bi mguôp mtrŭn agha êlam hĭn, klă mngač hĭn hlăm djăp mta bruă, kyua klei đĭ kyar kơ grăp lăn čar, lehanăn mnuih ƀuôn sang dua nah, kyua kơ klei êđăp ênang, hgŭm mbĭt mđĭ kyar hlăm alŭ wăl lehanăn hlăm tar rŏng lăn./.