Thŭn 2024, kruăk klei bi mlih prŏng hlăm hdră dhar kreh mơ̆ng hdră mtrŭn truh kơ boh sĭt dôk mâo. Hdră dhar kreh hlăk jing bruă yuôm lehanăn dưi bi mklă leh klei yuôm bhăn, đru mguôp hlăm hdră mđĭ kyar mơ̆ng ala čar. Mjuăt ktang asei mlei Việt Nam mâo mă êbeh 1.200 medai djăp mta hlăm tar rŏng lăn. Anôk bruă hiu čhưn ênguê drông leh êbeh 17,5 êklăk čô tuê ala tač êngao, hŏng ênoh hrui mâo hlăm brô 840 êbâo êklai prăk.

Blŭ hrăm ti knăm anei, Khua knŭk kna Phạm Minh Chính mñă leh kơ knhuah dhar kreh jăk siam mơ̆ng djuê ana ti ala čar anei hŏng ƀĭng găp tar rŏng lăn hluê hdră dhar kreh, mjuăt ktang asei mlei lehanăn hiu čhưn ênguê. Hdră ñu kma hŏng tar rŏng lăn mơ̆ng Việt Nam jing bruă yuôm, knuă druh anôk bruă dhar kreh, mjuăt ktang lehanăn hiu čhưn ênguê jing êpul ba anăp, êpul phŭn hluê ngă hdră anei./.