Hưn hŏng Khua knŭk kna Phạm Minh Chính lehanăn êpul mă bruă hlăk nao čuă dlăng Kdrŭn Hà Nội, Khua knơ̆ng bruă Êlan treng Việt Nam Hoàng Gia Khánh brei thâo, thŭn 2023, anôk bruă êlan treng Việt Nam găn leh lu klei dleh dlan, gun kpăk, dưi mâo dŭm boh tŭ yuôm bhăn. Ênoh hrui mâo mơ̆ng kluôm knơ̆ng bruă mâo 101,7% hdră kčah, prăk mnga leh tĭng jia mâo 115% hdră kčah, rơ̆ng klei êđăp ênang êlan treng.

Khua knŭk kna Phạm Minh Chính mơ̆ng hdră ksiêm dlăng ti Kdrŭn Hà Nội, m’ak hlăk ƀuh anôk bruă êlan treng dưi mkra mđĭ hnơ̆ng tŭ jăk hdră mă bruă, mtă kơ knơ̆ng bruă gĭr ktưn hĭn, čiăng ba wĭt boh tŭ dưn. Kơ hdră mđĭ kyar bruă êlan treng Việt Nam, srăng mđing mkŏ mjing tur knơ̆ng đĭ kyar bruă êlan treng hluê hdră mrâo, mjêč pŏk ngă tŭ dưn Hdră mđĭ kyar, hdră kčah ngă bruă lehanăn duh bi liể wưng 2021-2025 dưi bi mklă./.