Blŭ hrăm ti knăm bi hdơr, Khua knŭk kna Phạm Minh Chính mgei ai tiê nao hlăm knăm bi hdơr 120 thŭn hrue kkiêng khua gĭt gai Phạm Văn Đồng - Mnuih cộng sản hur har, jing mnuih mă bruă jĕ giăm sĭt suôr hŏng Khua gĭt gai Hồ Chí Minh vĩ đại - Pô mâo leh lu ala tač êngao mpŭ kyua thâo kiă kriê, thâo kjăp hlăm bruă mjĕ mgiăm hŏng tač êngao.

Khua knŭk kna mñă, Phạm Văn Đồng jing sa klei bi hmô mngač kơ knhuah cách mạng: Sĭt suôr hŏng Đảng, hŏng lăn čar¸duh myơr bruă knuă kơ mnuih ƀuôn sang, jhŏng mĭn jhŏng ngă, mâo bruă đua klam, thâo mkiêt mkriêm ênuah ênô, bi kdơ̆ng nanao hŏng klei ƀơ̆ng ngăn, mdưm klei tŭ dưn kơ lăn čar jing phŭn, mđing kơ mnuih ƀuôn sang jing êlâo hĭn. Khua knŭk kna mñă, lŏ dơ̆ng čuê lehanăn bi lar dŭm klei tŭ dưn mơ̆ng Phạm Văn Đồng mâo ngă leh čiăng kơ gưl êdei lŏ rŭ mdơ̆ng lăn čar Việt Nam mdrŏng sah, dhar kreh, jăk mơak kjăp knhuang đĭ nao kơ yang ƀuôn ngă phŭn êngiê./.